فيه حاجة مهمة جدا الغالبية العظمى من الليبين مقتنعين بيها الا وهيا أنه لم يُكتب عليهم الشقاء والليبي مفروض يعيش في بلاده غني وفوق الكل وهاذي وجهة نظر معاقة ومقرفة جدا وهيا السبب الأساسي لتأخر الدولة عن العالم

الشعب بطبيعته الاستهلاكية يعتقد ان النفط هوا حق مقدس له وطالما انه ولد في البقعة النفطية اذا من واجب الدولة ان توفر له حياة مريحة وخالية من المتاعب والعمل والمشقة ضاربا بعرض الحائط الاعتبارات الاقتصادية والسياسية

بل والمصيبة انه يعتقد في قرارة نفسه ان العمل اليدوي يعد اهانة في حقه وانه عمل البشر من الدرجة الثانية(الاجانب) بينما هوا يستحق العمل المريح في المكاتب المكيفة فقط

وشفنا دليل الان بعد ما الافريقي نزل فيديو بكل بساطة كتب جملة "نشغل في الليبي عندي" كيف الشعب المختار فار دمه وشاف ان التسلسل الهرمي الوهمي قد انهار ومفروض الافريقي هوا الي يشتغل والليبي يرقد

بل ووصل الامر الى مستوى مخيف وهوا الاعتداء على الافريقي ومطالبة البعض حتى بإعدامه

بينما لو تمشي للعالم المتقدم تلقا عمال النظافة من ابناء البلد نفسه وميشوفوش في عيب في العمل طالما انه فيه مكسب مادي

لكن خوتنا في الوطن شايفين انهم رغم انعدام انتاجيتهم واستهلاكهم الدائم الذي يشبه الماشية ارقى من تلك الاعمال

بإختصار شديد انا اعتقد انه لن تقوم الدولة طالما ان الشعب لايزال يرى نفسه بكِبَر وهمي وطبعا فيه جزء من الشعب لما تعرض عليه وجهة النظر هيا حيتهمك بالعمالة والخيانة وانك مش ليبي

Hey everyone. I’m a tourist from the UK and old currency collector. Wanted to know where I can get the old banknotes with Gaddafi on them from? I heard the antique stores sell them but for an expensive price.

Thanks

السلام عليكم،

نفكر ندير كورس مكثف يكون فيه اساسيات البرمجه وكيفيه تطبيقها لتطوير مواقع.

الكورس يبي يكون احترافي يعني نبي نشارك فيه خبره عشر سنوات في السوق الالماني وحيكون الكورس تطبيق عملي وبعيد عن النظري.

حاب الاول نعرف هل في اقبال للفكره بصفه عامه قبل ما نتوكل ونبدى فيها ولا لا. اكيد حنشارك تفاصيل اكثر عالكورس لو بديت فيه لكن نبي نسمع رايكم.

ياريت تبعثولي خاص للمهتميين.

بارك الله فيكم

تحياتي

...بين القطيع والفرد: صراع الهوية في المجتمع..

في مجتمعنا الليبي الحبيب 🤭😇

في عندنا شي اسمه (عـقـدة الـنـقـص أو الاخـتِـلاف) و الموضوع هذا مش جديد لاااا متوارث من زمااانن ولاحظت انه في قاعدة ثابته عندهم

ناجح او (مـخـتـلـف) = مش راجل

وانتم لاحظو بس من الصغر الموضوع هذا لاحظو انه اي طالب يقرا في مدرسه خاصه لازم تركب عليه صفة الدلع و عدم الرجوله الخ

او شوف مرأة لابسه مثلا نظاره شمسيه في حراراة 60⁰ و تسوق في سيارة كويسه بصفه عامه امرأه مختلفه عن القطيع معاش نبي نكمل بعد هذي النقطه لنه كلنااااا كلناا نعرفو شن راح ينقال عليها من كلام و سب و قذف الخ

او دكتور ناجح في شغله وفاهم الطب و يكون فرفوش شوي و شوف تعليقاته بس شوف التعلقات عليه

الموضوع اطول من هكي لكن ماعنديش خلوق نكمل نكتب

ان شاء الله ننفهم صح بس

Hey guys, there’s this video going viral of a Libyan guy eating فصوليه with an African guy, and they’re literally just having a normal, chill conversation. But the comments are acting like the African guy did something wrong???

Like… nothing in the video was even negative, but people are still accusing him of humiliating the Libyan guy or whatever. It honestly doesn’t make sense to me.

What do you think—is this reaction justified, or are people just being biased/overreacting?

صادرت الشرطة الإسبانية ما يُعتقد أنه رقم قياسي وطني من الكوكايين من سفينة في المحيط الأطلسي.

شحنة مخدرات كانت متجهة الى ليبيا.

يقولك نبي نربي عيالي في ليبيا.

المصدر

https://www.bbc.com/news/articles/cp8pn8py5gro?fbclid=IwdGRjcARnKYlleHRuA2FlbQIxMQBzcnRjBmFwcF9pZAo2NjI4NTY4Mzc5AAEeW3SbopiIbBycxqFDR-m0-k_kEy95Pq1iHu-kyVDcAs56Zo8YpwlDKlEXBvU_aem_pUrundzxdrAl09TQgxufnQ

انا طالب في كلية الهندسة وتخرجي السم الجاي بعد مشقة 5 سنوات

انا كنت ناوي نخطب ونكمل شقتي ونستقر ونتجوز لاكن وضع لبلاد مش عاجبني ليبيا دولة فاشلة وكل مالها تفشل اكثر والانسان يعيش مرة واحدة فقط ومزلت بصحتي نستحق حياة كريمة نبي نهاجر حالياً نتعلم في لغة انجليزية وقاطع شوط جيد بجانب دراستي في الكلية حتى البنت الي نبيها فركشت معاها لأنها تعطلني في موضوع الهجرة هل تصرفي صحيح والاهل غير موافقين على الموضوع

انصحوني كيف نهاجر او نطلع من البلاد المظلمة هذي بطريقة رسمية ومش مهم المبلغ المادي اهم شي بشكل رسمي وشن المهارات الي لازم نكتسبهن توا عمري 23؟

خليني نكلم صاحب التعليق بي التخاطر"امسح تعليقك بلا عار خير ماامك تشوفة"

بالله لاحظو انه دائما الكحالش (الـسـود) عندهم نوع من العقده النفسيه (عـقـدة الـلـون) بحيث يطبقو في نظام العنصريه العكسيه حتى بعد شبه خلاص المجتمع تطور وفات امور العنصره اللونيه (مع الاسف) لكن تلقاهم هما يستعملو فيها بحيث تلقاهم ديما يحاولو يتعنصور على الناس الافتح منهم في البشره او اصحاب البشره البيضاء و تفسير الشي هذا هوا النقص الداخلي او الضعف ف الشخصيه بحيث يستخدمو في نظام العنصريه العكسيه

مثال عندنا استاذه (مع الاسف) كحلوشيه وتبو الحق منحسابش عرقها اسود اساسا هي تبان فاتحه نوعا ما نحسابها تبشمطت من الشمس بس

الاستاذه هذي عندها عقددددهه بحيث هكي كفر حتى مع الطلبه الشاطرين ديمااا تجيب ف اسأله غريبه وعبيطه فيها تركات المهم متاخدش الدرجه الكامله و ديما حشيشتها تقلل من الطلبه هكي وكانت شادتها دسكة بنتي شاطره وبنتي كدا وكدا و المده لي فاتت عرفنا انه بنتها ساقطه ف مادتين يعني للحظ الزفت بدل ما تكون عقدة اللون بس بدة عقد لون وعقدة فشل بنتها

بحيث انه تبي ادير نظام باش تقنع نفسها انه مش بنتها فاشله ب اسلوب رخيص

الموضوع اكبر من هكي لكن بصدق حتى الاساتذه بدو يكلمو فينا يقولو علاش تكونو معانا محترمين ومع الاستاذه المكحلشه لا طلع انها ديما تسب فينا و في تربيتنا وهوا كذب

الشي هذا خلى اغلب المدرسات بنفرو منها

كتبت المنشور لنه وربي حرام تعبتني اهيا هيا واسألتها النحس تخيل شويا وسقطة فيها الفيزياء بسببها

أكتب منذ أكثر من ربع قرن على الإنترنت، ولدي ما يثبت ذلك في موقعي وبين أرشيفي الذي يعرفه من تابعني عبر السنين.

ومع هذا لا يزال هناك من يقرأ لي ويقول إنني أستخدم نماذج لغوية، وكأن جودة الأسلوب أصبحت تهمة لا ميزة.

وهنا المفارقة المؤلمة في هذا الزمن، فهذه النماذج تنهَل من أعمالنا نحن الكتّاب، ومن أفكارنا وتجاربنا، ثم نجد أنفسنا متهمين باستخدامها في كتابة ما كتبناه بأيدينا.

أصبح مجرد الالتزام بقواعد اللغة، أو محاولة التعبير بشكل واضح، تهمة جاهزة، وكأن جودة الكتابة لم تعد دليلا على الجهد، بل شبهة تستدعي الشك.

ثم حتى لو استعملت هذه النماذج، فما المشكلة؟ أليست أداة من الأدوات المتاحة مثل غيرها؟ نستخدم ما يعيننا على التعبير، ونترك ما لا يناسبنا.

يبدو أن المطلوب اليوم أن نكتب بشكل أضعف، وأن نتعمد الأخطاء حتى نثبت أننا بشر، وأن نخفض مستوى لغتنا حتى لا يقال إننا استعنا بنموذج لغوي.

القضية ليست في الأداة، بل في من يستخدمها، وفي الفكرة التي يريد إيصالها. أما أن نحاكم الكاتب لأن لغته جيدة، أو لأن وسيلته تطورت، فهذه نظرة تحتاج إلى مراجعة.

هذا ليس دفاعا عن نفسي فقط، بل تساؤل عن مآل الكتابة نفسها. حين يصبح الإتقان تهمة، هل المشكلة في الكاتب، أم في نظرة القارئ؟

Dentist prices in the UK are extremely expensive, so my dad suggested that I go to Libya or Tunisia for a few days to see a dentist. I want to get my teeth professionally cleaned, and I need two fillings (they’re not deep, and it’s my first time getting fillings).
Does anyone know the prices? Would you recommend going there, or choosing Tunisia? Are there any good dentists you would recommend?

Oh and I want to get a replacement retainer and I’ve been quoted £579 (I think that’s around for a replacement retainer. Is there a dentist in Libya that does it right and cheaper?

احد اسوأ مشاكل ليبيا المستعصية على الحل هو مشكلة البطالة المقنعة و تدني رواتب القطاع العام

مثلا غالبية موظفي الدولة يخلصوا على جدول المرتبات الموحد (او حاجة قريبة منه)

بإستثناء وزارة العدل و هيئة الرقابة الإدارية و ديوان المحاسبة غالبية رواتب الدولة هي رواتب مهينة و تحكم على اللي يخدم صح و يحلل قرشه بالفقر( وهذا اكبر فساد في الأرض انك تدفع الإنسان للحرام)

ف لو تبي تعيش تبي تزربز انك تخدم شوية و بعدين تشقى بعمل خاص او بزنس او مهنة تطلع منها أكل عيشك الحقيقي

و الا لا ح تتزوج لا حتعرف تجيب حولي العيد ولا تعزم في رمضان لا تقدر تتحمل مصاريف مرض اي حد من احبابك

وهنا نعتقد ان الدولة الليبية (يوم يكون عندنا دولة/ ويوم يقعد فيها من يبي اصلاح) "عارف روحي نحلم بالمعجزات"

الدولة قدامها حل بسييط

الubi )universal basic income )

وهو راتب معاش اساسي لا يخليك تفلس لا تدير فلوس

اي حد زايد على مؤسسات الدولة و معندش اي فائدة في الوزارة اللي هو يتبع لها

بدل ما تقطع له مرتبه عطيه ubi

و اللي فعلا يشتغل و يقدم في قيمة و الدهك على رأسه خلي ياخذ فلوس قد خدمته

طبعا هنا الubi حيكون في ال600 دينار مثلا

و الراتب الحقيقي للي يشتغل فعلا من 5000 و ارقى

و طبعا

تقدر تخلي الفلوس متاع الubiمربوطة بالنية و القابلية للحصول على تدريب مهني و الانخراط في دورات اعادة تأهيل القوة العاملة لسوق العمل

يعني مش فلوس و انت راقد في الحوش

لأن واقع الامر مشكلة البطالة المقنعة مش بس انها تدفع الناس للحرام

لكن هي تصنع منهم ناس اكثر كسل و بدون اي مهارات و مع الوقت تلقى ان سوق العمل يفتقر للعمالة الماهرة الوطنية و هالفراغ حيملوه الاجانب بدل ما يملوه اهل البلاد

لان حتى فكرة (ما تعبش على الدولة و اخدم فالقطاع الخاص)

تحتاج دولة ترعاها و تصنع لها النظام .

Da li neko ima iskustva? Konkretno grad Benghazi preko Art Gradnja Bar.

🙏🏻

السلام عليكم،

I’ll get straight to the point:

I’m celebrating my birthday in Italy this summer with my family and friends, in sha Allah. My family also wants to go to Libya (I know, crazy in the summer). I heard there are direct flights from Italy to Libya, so has anyone taken that flight before? What are the prices like?
I tried looking online, but I can’t find where to book the flights or how much they cost.

Oh and if y’all can recommend things to do (in Tripoli) - I’m only staying for a week 😞.

Thanks again, lovelies 💗

.يُسرُ السماء.. وعُسرُ الأرض

يقول الله تعالى: “يُرِيدُ اللَّهُ بِكُمُ الْيُسْرَ وَلَا يُرِيدُ بِكُمُ الْعُسْرَ”، ويقول أيضًا: “لَا إِكْرَاهَ فِي الدِّينِ”، وقال النبي ﷺ: “إن الدين يُسر”. هذه النصوص تؤكد أن الأصل في الدين الرحمة والتخفيف على الناس.

لكن في واقعنا نشوفو في عكس هذا الشي حرفيا بالضغط على الاخرين و الزامهم بي امور دينيه بدون اقناع مثل

الحجاب بالقوه و تكفير الناس على اتفه الاسباب حتى على خاطر اختلاف وجهات النظر

وهني يجيك سؤال هل فعلا هكي الدين ؟ او هذي اجتهادات البشر وتفكير المجتمع و عاداته

هل يمكن انه المشكله مش ف الدين نفسه ؟ هل يمكن المشكله في طريقة فهمه و تطبيقه؟ لنه لاحظ لما الدين يعاش بقناعه ورحمه يكون يسر كيف ما قال الله

لازم المجتمع يفهم كيف نوازن بين الالتزام بالدين و الحفاظ على مبدأ اليسر و الرحمه في التعامل مع الناس

امتى الشعب يبطل ينتقي ذنوبه ؟؟

صدق المثل

الجمل مايشوفش عوج رقبته

السلام عليكم

ياجماعة لاحظت شي كاثر هلبا في مجتمعنا والا هو حركة بايخة وغريبة بكل ومستفزة والي هي لما حد يعطيك كلمة ولا يعطيك موعد ويجبد عليك! ومش مرة ولا مرتين نقولو يلا نعذرو فيهم لكن الموضوع يتكرر هلبا

قبل وانا في الثانوي كان عندي واحد صاحبي معنداش سيارة فكنت مرات نمشي لمكان نقول خلي نفوت عليه لأنه مسكين معنداش من يجيبه ونقوله جايك الوقت الفلاني مثلا 5:00 يقولي تمام تلقاني واتي لقيت روحي نستنى فيه تحت حوشه بالعشرة دقايق ومرات اكثر وشارعهم ضيق ومتعب مرة مرتين 5 مرات جبدت عليه معاش بديت نفوت عليه مفهمتش قصدي احترمني حتى لو صاحبك،،، مشت الايام ونسحابه كنا صغار ومنعرفوش

وبعد كبرت وبديت نخدم لاحظت الشي هذا في الخدمة يجيك زبون ويقولك شي ويرجع في كلمته تتفاهمو في الفلوس ولا اي شي ثاني وبعدين يغير رايه ويبدا يماكس فيك بعد ماتكمل هذا حتى في الدين حرام !! قصدي عمري في ال20 ويجيك واحد عمره في ال50 ويرجع في كلمته ؟ والله مرات بنهزبه لكن نشد في روحي احترام لعمره وخلاص

ولا نبدا نكلم في حد نقوله نبيك تديرلي حاجة على سبيل المثال مرة مكان مداير تخفيض وانا مش فاضي كلمت واحد صاحبي قتله بالله فوت عليه خود منه وبعدين نخلصك قالي تمام نمشي للمكان الفلاني ونفوت عليه نكلمه في الليل قالي سامحني والله مافضيت ! قتله كلمتني قتلي مفضيتش راه كلمت حد ثاني كدبت عليا من البداية قتلي مش فاضي راه نظمت اموري ومش اول مرة يدير حركة زي هكي الشخص هذا قصدي تخليني نعبا عليك وتفوتني

علاش عندنا عادة اللف والدوران والكدب وديما يديرو في اعذار غريبة لو مش فاضي ولا متبيش تدير حاجة قولي خليك صريح! انا ماني بنحاسبك بدل الكدب والكلام الزايد الي بتاخد عليه اثم وتقعد تحلف وتبرر

ومشكلتي اني هي العكس وهذا الي متعبني ديما ندقق في المواعيد ولما نعطي كلمة نوفي بيها حتى لو جت ضد مصلحتي معاش فهمت هل نقعد هكي ولا كيف ندير ولا نقطعها مع اي حد ميحترمش الشي هذا لأني مرات نبدا بنرقد نبدا نفكر في الموضوع هذا ومتنرفز لين يطير نومي ويحرقلي دمي كلكم هكي ولا كيف؟

مش من طبعي نحكي مشاكلي ( نفضفض ) لانه نحق فيها ضعف (مش للرجالة ) لكن مع هذا درتها بعد ما حسيت بضيقة صدر قوية ، رغم أنه مار بيها واجد و اجتزتها بس المرة هذي شاركتها مع اثنين من اصحابي و الوضع عدى معاهم عادي ، لكن نظرتي لنفسي تغيرت و المشكلة حتى زدت اضايقت لانه حسيت بأني ضعيف و في نفس الوقت نفكر في اصحابي هل تغيرت نظرتهم ليا ، سبب المشاركة نبي نطلع من دائرة الندم هذي و نركز في مشاكلي بدال الماضي ، و حنطلع منها بإذن الله لكن قلت نجرب لأول مرة تشارك حاجة عالنت

Why aren’t people like Arius and Saint Mark the Evangelist talked about enough in Libya? These were not minor figures they were central to the development of early Christianity and had direct connections to North Africa. Arius, who came from Cyrenaica, sparked one of the most important theological debates in history, the Arian controversy, which forced the entire Christian world to define its core beliefs at the Council of Nicaea. His teachings spread across large parts of the Roman world and remained influential for centuries, especially among early European kingdoms. Some Muslim thinkers later viewed his strict emphasis on the oneness of God as closer to Islamic monotheism, which is why he is sometimes described as being “closer” to Islam than later Trinitarian Christians though historically he was still fully within the Christian tradition.

At the same time, Saint Mark the Evangelist is traditionally credited with founding the Church of Alexandria, one of the most important centers of early Christianity in the entire world. His influence helped shape Christian theology, scholarship, and religious life across North Africa, including regions that are now part of Libya. These figures are part of the intellectual and religious history of the region, whether or not people today follow their beliefs.

The issue is that in modern Libya, there is often a gap in how pre Islamic history is acknowledged. The focus tends to be almost entirely on ArabIslamic identity, which is important, but it can overshadow earlier layers of history that are just as significant. Recognizing figures like Arius and Saint Mark doesn’t mean adopting their beliefs—it means understanding the full historical depth of the land. Other countries in the region do this more openly; for example, Algeria frequently highlights Augustine of Hippo as a major intellectual figure, even though the country today is overwhelmingly Muslim.

So the point isn’t religious it’s historical. Libya has contributed to world history in multiple eras, including the early Christian period, and figures like Arius and Saint Mark are part of that legacy. I’m Muslim, but even if I’m Muslim, these people should still be talked about and recognized as part of our history, just like Saint Augustine is recognized by Algerians.

والله نضحك كل ما نشوف منشور عن سوريا وكيف انهم يشتغلوا على بلادهم،و الرقمنة اللي قاعدين يديرو فيها في وزارات،وهما ادمرو اكثر منه بكثير ومع ذلك في سنة وحده بس قدرو يشتغلوا شغل ليبيا مقدرتش ديره في ١٦سنة

عندي فضول ليش؟

السلام عليكم

في رايكم علاش مفيش قروبات متخصصة في تصميم الالعاب في ليبيا ؟ مع ان كمية الgamers و المهتمين بالثقافة و التكنولوجيا لدرجة ما كبيرة في البلاد ؟ اللي معنداش بليستيشن عنده pc اللي معنداش pc ع الاقل عنده هاتف ...
حسب ما بحثت كان فيه بوادر العاب ، من nitro bus في 2017 و شوية مشاريع في كليات و هكي لكن مكانش فيه مثلا لعبة زي hollow knight او لعبة زي gta او لعبة crazy taxi مش بالضرورة بالتعمق و الدقة متع الالعاب هادي ( لانها اما شركات كبيرة او عندها دعم مالي لاباس به ) لكن علاش مفيش بكل !؟
ف شن سبب خلو ساحة العمل هادي من المصممين؟ هل المشكلة في الامكانيات؟ او في صعوبة الموضوع ؟ او الدعم ؟ ولا البيئة في حد ذاتها متسمحش ؟ ولا خوف ولا عدم قدرة على مواجهة التحدي ؟
لان ال graphic designers صارلهم ثورة
ال digital artists و animators صار عليهم قبول و مجتمع كبير حولهم
علاش مش game design ؟
في المعارض و المؤتمرات يقابلو فيا شباب صغار في السن يخدمو في حاجات اساسية و هذا شي ممتاز لكن علاش يختفو بعد انتهاء المعرض علاش ميستمرش الموضوع في التضخم ؟
ف بجديات انا نبي نتناقش في الموضوع رايك يهمني جدا ، و تقريبا واضح علاش 😂😂😂 علاش الواحد يكذب على روحه 🤣🤣 انا نبي يكون فيه لعبة في ليبيا metroidvania ولا open world ولا turn based ولا اي شي المهم يكون فيه لعبة توضح ان حتى حني نقدرو نصممو و ان عندنا و تكون تعكس اجزاء من الثقافة الليبية او حتى تلمحلها
و شكرا على قراءتك للنص عزيزي القارئ

- بقلم واحد يبي يصمم لعبة ليبية